“Dr. saab uska post martum ho gya kya” , “Haan uska post martam ho gya maut ka karan pet me plastic ki lughdi, kuda, adhpacha jahrila khana aur infection hai uske pet me rabar jesi chipchipi lugdhi nikli jise wo shayad pacha nhi paayi thi jiske kaaran uska pet fool gya tha! Uske gale aur aanto me bhi infection tha! Afsos ki bahut deer ho gyi thi”
Aaj navratri ki saptami raat hai mohan ki gaay jiske dudh par uska parivar pal rha tha wo ab swarg sidhar gyi hai! Ghar me shok ka mahol hai!
kuch din pehle hi wo tesri baar biyayi thi uska bachchda abhi matra 7 din ka hi hai!
-------------------------------------------------
“Sham ke 6 baj gye andera hone wala hai shyama abhi tak aayi nhi” – mohan ghar ke bahar bane tabele se chillaya
“Aaphi pakad ke leao pass ke ghurre par char rhi hogi uska dudh bhi to lagana hai ! aaj kal usne dudh dena kam kar diya hai thoda bahut milta hai to bachiya pee jati hai, pass wali dukan se injection leao wo laganeke baad hi dudh sahi milega” – mohan ki patni susila bole hi jaa rhi thi ! mohan uski baat adhuri sune bahar shyama ko talashne nikal gya !
-------------------------------------------------
Shyama apne niyat sthan pass ke ghurre par hi badi deer se kuch chaba rhi thi! Pass hi uski bachiya ek polythene se khelne me uljhi huyi thi jisme kuch ghans fool patti aur gehun ke daane bandhe huye the! Mohan shyma ko ghar ki taraf haak rha tha par uske gale me kuch ada hua tha jise wo nahi nigal paa rhi thin nahi ugal! Kanyi polythene jo usne bandhe sade gale khane fool patti aur pooja ke saman ke saath achchi tarah chaba kar nigli thi wo ab kuch jyada hi matra me uske pet me bhar gyi tha ab to uska gala bhi band tha aur guda dwar bhi! Uska sharer tadap rha tha gale me fasi polythin ki lugadi ko bahar nikalne me wo sangharsh kar rhi thi ..
Mohan use jaldi pass ke pashu chikitsalaye lejane laga par ab tak saan na lene ke karan shyama adhmari si nidhal thi! Jese tese use aas pass ke log thele par rakh kar chikitsalay le gye par tab tak uske pran pakheru udd chuke the!
-------------------------------------------------
422 ye 422vi gaay thi jo pichale ek saal me polythene khane se mari thi , ganv ke chopal me ye khabar charcha ka vishaya thi !
-------------------------------------------------
Navratri ka aaj antim din hai jagah jagah paandalo me kanya bhoj ho rha hai! Bahut sara kachra jisme navrati me huye anushano ki upyog ki huyi pooja samagri, ann aur plastic ke juthe done pattale bhi hai pass ke hi ghurre ki shobha banaye huye hai aur maveshiyo ka badasa jhund unse apna pet bhar rha hai!
0 comments:
Post a Comment